UP BAGUIO POST-IT # 026

Yearbook Testimonials

Malapit na ang deadline ng testimonials ng yearbook para sa graduating batch (sa totoo lamang ay tapos na). Para sa akin, ginagawa ito para naman makita o maalala mo kung paano ka sa tingin ng iyong mga nakasalamuha noong high school.

PERO iba siguro kung ang takbo ng paghindi ng yearboook testimonial ay para lamang sa Friendster noon. 'Yung bigla na lang may naka-post sa ilalim ng profile mo. 'Yung magugulat ka na lang. Kung ganoon, magiging masaya at controversial ang yearbook - kasi literal na mababasa mo ang tingin ng tao sa'yo - hindi lang 'yung mabubuti.

Gumawa ako ng mga fake na mga Yearbook Testimonials. Nung binasa ko ulit, pakiramdam ko sana nailagay ito doon sa pahina nung mga taong unang pumasok sa isip ko.

MGA YEARBOOK TESTIMONIALS NA SANA LANG AY NASA PAHINA NG TAONG NAKA-NGITI SA KATABING LITRATO

I like this girl. She treats everyone else like she's super rich and we are sooo below her. I wish her parents know how aweful she is as a friend.

Mabait siyang tao - sa harap ng kamera. Kung hindi lang siya anak ng teacher, malamang mababa rin ang grades niya.

Hindi ko alam kung paano siya grumaduate but I think it's a miracle. Naka-apat na ulit siya ng Math1. Yuck. Congratulations pa rin. :)

For citing wikipedia as a source noong second year kami sa isang research class, nagulat ako na naka-lusot siya sa klase. Congratulations, naka-graduate ka pa.

Siguro nga ay walang paki-alam ang university sa social life ng mga estudyante. Naka-graduate siya eh. He's good in class. But not in romantic relationships. At least wala nang playboy sa university.

Ms. Org ang tawag ng iba sa kaniya. I'm surprised she graduated. Or probably naawa siguro ang university sa efforts naman niya sa extra-curricular activities. Congratulations pa rin.

He's good with research and reporting. Kaso homophobic. Sana makayanan niya ang reality.

You can rely on this person in times of need. He's always online. He can do research and DoTA at the same time! I don't know how though. You can count on this guy. Good hacker ng international journals rin!

Serously. If i wasn't coerced by this girl, no one would have written a testimonial for her. Pathetic. At least graduate ka na. Start looking for work.

UP BAGUIO ENROLLMENT TO CURRENT EVENTS

First day ngayon.

Naka-skedule ang mga 4th years, graduating, freshmen at pati na rin ang mga extending. Yes. Oh yes.

Ngayong araw na ito, aaminin ko, wala akong naka-planong isulat. Subalit narito ang mga balitang dapat ninyong malaman - kung gusto ninyong sabihin o mai-consider kayo na updated sa current issues ng Pilipinas:

Ang pag-ban ng Pilipinas sa mga Pilipino na nagnanais pumunta at magtrabaho sa ibang bansa; Afghanistan, Iraq, at Pakistan ang iulan sa mga ito.
Ang unti-unting pag-angat ng travel ban / travel alert ng HongKong sa Pilipinas.
Operasyon ni Arroyo.
Paghahanda ni Pacquiao sa laban niya kay Marquez.
Revilla Family and the Murder of Kin, Ram Revilla (oha, english yan).
Pagkamatay / Pagkakapatay sa ama ng mangangawit na si Charice.
Pagsisimula ng panibagong Pinoy Big Brother.

Magandang araw!

Art for the Day: FERNANDO AMORSOLO - Lavandera [1936]

dahil kinakailangan natin tangkilikin ang sariling atin...

Surprise, Surprise.

Happy All Souls at Saints Day sa lahat! :)

Syempre, hindi makakaligtas sa akin ang araw na ito na inaalala natin ang mga nang-iwan, iniwan at mang-iiwan (joke) sa ating mga bahay - at buhay.

Kung sa TV ay puro aksyon ng mga tatanga-tangang tao na hinahabol, hinahabol, at hahabulin ng mga mulo ~ hanggang pati sa mga zombie, gumawa ako ng mga aksyon na pwedeng gawin sa loob ng sementeryo ng ilan sa mga inyo:

1. Candle Ball Making Contest. Palakihan gumawa ng spheres na gawa sa candle wax. Maaari rin itong gawing improvised rosary.

2. Chikahan. Oh yes. Hindi tayo nawawalan ng pinagkekwentuhan, tayong mga Pilipino. Buhay at Patay, walang ligtas.

3. Pagkain. Magmimistulang foodcourt ang pinakamalaking daanan sa sementeryo. May Pizza Hut stand, Dunkin Donuts, at Master Siomai. Masaya kasi parang may food fair. Enjoy kasi parang walang namatay.

4. Ukay-Ukay Fair. Kung hindi kumakain at may challenge ng paghahanap ng best kaartihan finds. Kulang na lang magkaroon ng night market - yung tipong may per kilo ng baboy na ibinebenta.

5. Flower Festival Contest. Maakyson siguro kung gagawa ng mga parade ng o contest ng mga magagandang  bulaklak. Ang mga bulaklak, hindi pang pang-pamilya ~ pang competition na!

:)

Art for the Day: Juan Luna - Tampuhan - 1895

dahil kailangan nating matutong i-appreciate ang sariling atin. :)

Halloween Costumes

Aminin mo. Kahit matanda ka na, gusto mo pa rin makiisa sa pagsusuot ng costume kapag Halloween. At syempre, bakit naman hindi ako magpaphuli sa mga ganitong okasyon. Narito ang ilan sa mga naiiisip ko na pwede mong gawin na costume:

1. Go GAGA. Magsoot ng kahit anong outrageous. Kailangang kumikinang, or pastel, or out of this world. Magkulay ng buhok. Ay magsuot ng sapatos na masasabihan ka na tatanga-tanga kung madapa. Hindi naman kailangang nakakatakot.

2. Baguio Barrel Man / Woman. Kung gusto mo naman ng nakakatakot, effective ito. Kasi mas nakakatakot kung tatanggalin mo / matatanggal yung Barrel at wala ka talagang suot sa loob.

3. Gandalf / Dumbledore. Mabibigyan ka ng candy or mananalo ka sa costume contest kasi nag-effort ka.

4. Playboy Bunny. Para sa mga babae, effective ito kasi sabi nga sa Mean Girls, oras ito na magpaka-sex / daring at legal iyon. Ilabas ang mga revealing na lingerie or undies. Have fun, girls. :)

5. Tarzan. Para sa mga lalaki, obvious naman. Para ka lang naka-boxers. Mas cute kung may mukha ng tiger o lion sa harapan ng boxers para hindi naman nakaka-bahala. Have fun, boys. :)

6. Comic Superheroes. Classic pa rin ang panggagaya ng mga nakikita mo sa kung saan. Pwede kang maging si Superman, Darna o kahit pa si Zwardina. Kung may karapatang maging superhero ang mga lalaki at babae, ganoon rin ang mga bading. Hindi ko lang alam kung ano ang bagay sa mga lesbiana.

7. Prutas. Masaya ito kasi nakakapang-gago. Kung hindi prutas, masaya rin kung isa kang malaking cup cake.

8. Mascot. Kung magaling ka, magagawa mo ito at maraming magpapa-picture sa iyo. :)

9. Edward Cullen. Para hindi na kinakailangan pa mag-effort. Maglagay ng baby powder at glitter sa katawan. Makakatulong rin ang konting lipstick mula kay Nanay.

10. Isabella Swan. Kung mahaba ang buhok, mag-drugs ka lang. Pwede na 'yun. Kung walang drugs, maaaring huwag matulog ng dalawang araw.

11. Oblation. Mga Isko at Iska, moment ninyo 'to!

Enrollment Tips

Sa darating na Nov 3, umpisa na ng enrollment sa mga seniors sa UP Baguio. Enrollment. Kapag ganito ang usapan, at kahit sabihin natin na ang mga Isko at Iska at makabayan, mayroon at mayroong maggugulangan.

Uso sa panahong ito ang pag-singit sa pila. Uso rin ang inggitan kung sino ang unang natapos makapag-enroll. Uso ang mautak. Ang mga hindi marunong, aabot ng dalawa hanggang tatlong araw para lamang makapag-enroll.

Kara narito ang ilan sa mga natutunan ko na maaari ninyong gawin sa darating na enrollment:

1. Know the basics. Kailangan alam mo kung ano ang sunud-sunod na proseso sa enrollment. Wag kang umasa na alam mo ang gagawin dahil nagawa mo na noong nakaraang semestre. Kumuha ng resfresher course kung kinakailangan. Kapag alam mo na 'to, hindi ka mahihirapan na magpasikut-sikot.

2. Know your strengths and weaknesses. Alamin kung ano kailangan mong mga subjects. Alamin lalo ang mga subjects na hindi mo kailangan subalit kailangan ng iba. Alalahanin ang iyong mga kaibigan, kakulitan at kaharutan. Makakatulong lahat ng mga ginawa mo sa UP sa kahit ano. Totoo yan.

3. Dress Up. Malaki ang tiyansa na magpapabalik-balik sa sa buong campus (at kung minsan ay aabot ka pa sa SM para magwithdraw). Maghanda na. Siguraduhin na may perang dala, may load ang cellphone (kung sakaling hindi pa nagpapadala sina nanay o tatay). Huwag rin magdamit na para kang nasa fashion show. Makikipag-gitgitan ka sa mag tao. Pagpapawisan ka. Enrollment ang pinasukan mo, walang talent scout sa panahong ito. Mahusay rin kung hindi ka na kinakailangan pang manghiram ng bolpen o nagdala ng bag na kinakailangang hawakan. Backpack o messenger bag ay mainam.

4. Reservation. Itext na ang kaibigan o kakilala na reserbahan ka sa pila ng lugar. Kaya hindi mo kinakailangang magdala ng maraming gamit - kasi halatang-halata ang iyong pagsingit sa pila.

5. Listahan. Kung may listahan o numerong ibibigay sa mga tao, wala kang laban doon. Pero walang laban sayo ang kaibigan mo kung tinext mo siya ng maaga pa lang na sisingit ka sa pila. Iintindihin ka niya.

6. Matutong dumedma. Mayroon at mayroong magagalit na "diumano'y" sumingit o nagpasingit ka. Matutuong dumedma, lalo na kung hindi mo naman kilala. Huwag damdamin. Wala pa namang nagtanim ng galit dahil naki-singit ka. Ang babaw nila.

7. Clearance. Ang clearnace ay maaaring kunin ng isang araw na mas maaga. Kung maaari mo nang kunin ang sa iyo ay mahusay. One step ahead ka sa iba.

8. Friends with Benefits. Matutong makipaglandian para makasingit. May mga minsang nagkagusto sayo na isisingit ka sa pila dahil type ka pa rin nila.

9. Teachers with Benefits. Kung sakaling naubusan ng slot sa isang klase, asahan na mapapakiusapan mo ang mga teacher mo na pasisingitin ka sa klase nila dahil kaibigan mo sila. Favoritism? Hindi. Ganun lang talaga kapag type ka nila ~ maging estudyente. Bibbo ka kasi eh.

10. Admin with Benefits. May mga taga-admin na handang tulungan ka sa panahon na mukha ka nang naka-drugs. Ayos ito. Subalit huwag abusuhin.

11. Cancel and Trade. Nagkataon ba na nagkaroon ka ng sobrang subject (na nakuha mo na pala o ayaw mo sa teacher) subalit may kailangan ka pa na ibang subject? Hanapin ang iyong exact opposite (kailangan niya ang icacancel mo na subject at kailangan mo ang icacancel niya). Makakatipid kayo sa pila. Makakatipid kayo sa oras.

12. Magpasalamat. Magpasalamat sa lahat ng tutulong sayo. Next enrollment, siguradong magtutulungan rin naman ulit kayo.

State of Contemporary Dance in the Philippines

Ang sayaw ng Pilipino ay may karakter ng sigla at bilis. Nariyan ang mga Tinikling, Lapay Pandique, Sayaw sa Bao, pati Ati-atihan - na tumatalo sa ibang sayaw sa pagkaka-kilala dahil humahakot ito ng manunuod (simula sa mga bata at hanggang sa mga humihiling na bata pa sila). Sa larangan ng mga international dance na nakaimpluwensiya na rin sa Pilipinas, mas napapa-lingon ang mga manunuod sa mga gumagawa ng Hip-Hop, Cheerdance, Jazz, Chacha at Swing. Dahil dito. hindi na rin siguro ngayon na nakapagtataka na ang Contemporary Dance sa Pilipinas ay hindi mainam na gawing talent sa kahit anong competition.

Sisisihin ba natin ang High School?
Marami sa atin ang naka-kilala lamang sa Contemporary dance noong high school lamang. Interpretative dance sa tingin ng simpleng Pinoy, nagkaroon tuloy ng pananaw na napaka-daling gawin ang Contemporary dance dahil ang mga high schoolers lamang ang kilala sa paggawa nito. O sana lamang ay alam ng mga nasa high school na ang ginagawa nila ay wala pa sa katiting ng kung ano ang Contemporary dance sa kolehiyo at sa propesyonal na buhay. Subalit hindi mo rin naman masisisi na kilala lamang ang Contemporary Dance sa ganitong paraan. Mabuti na 'yun kaysa sa wala.

Talent Shows
Halatang halata na hindi patok sa audience ang Contemporary Dance dahil wala pa yatang kilalang talent show na nakapagpa-panalo ng grupo na nag-perform ng ganitong genre ng pagsasasayaw. Out of this world dapat ang quality ng performance. 'Yung para bang Lumilipad sa ere, kumakain ng buhay na manok, kung hindi man ay nakakapagpa-buhay ng patay. Ganoon ang quality na gusto ng Pinoy para lamang sabihin world class. Siguro ay kailangan muna ng isang Half-Pilipino na sumikat bago tayo tumangkilik. Wala kasi tayong initiative kung minsan. Nakiki-sali kung minsan ang Pinoy sa kung ano lang ang uso.

So You Think You Can Dance - Philippines.
Sa kakaibang tingin ng mga Pinoy sa Contemporary Dance, hindi na ako aasa na magkakaroon ng So You Can Think You Can Dance Philippines. Ang talento sa pagsasayaw ay hindi lamang sa pagkaka-alam sa isang sayaw subalit sa pagkakaroon ng flexibility sa sayaw. Ganoon katindi 'yun at kasama sa pamantayan ang Contemporary Dance sa So You Think You Can Dance. Kakaiba ang mga Pilipino maka-intindi. Aminin na natin: Hindi kasama sa Pop Culture ang Contemporary Dance kasi hindi ito madaling intindihin kapag pinanuod (lalo na kung iba ang kanta sa interpretasyon gamit ang choreography). Walang masama doon. Pero sayang lang kasi.

Pang-Buklod
Aasa na lamang siguro ang mga mahilig sa Contemporary Dance na mapansin ng Media ang isang Pinoy (o half-Pinoy) na makilala sa ibang bansa. Saka atin makikita ang Contemporary Dance sa TV at papalakpakan at hihiyawan ng tao.

(marami pa akong pwedeng sabihin pero 'yan na lamang muna.)

UP BAGUIO POST-IT #006

Broken Bucket List

Noong nag-extend ako (bago pa ako mag-enroll sa thesis ko), naisip ko na gumawa ako ng bucket list. Kaso hindi nangyari iyon. Naisip ko kasi na kagaya ng naudlot kong graduation, madidisappoint ko lang ang sarili ko na hindi ko magagawa ang mga bagay na isusulat ko. Kaya ngayon, isusulat ko na lang ang:

MGA BAGAY NA SANA GINAWA KO NOONG NASA KOLEHIYO AKO:
1. Kumain ng chicharon sa classroom.
2. Magpasa ng 10 page essay sa halip na one page lamang.
3. Matulog sa klase.
4. Kumuha ng picture ng teacher/prof habang nagsasalita siya sa harapan.
5. Mag-walk out ng walang dahilan.
6. Mag-disagree sa nga sasabihin ng mga kaklase sa loob ng isang buong araw.
7. Mag-overnight sa eskwelahan.
8. Kindatan ang Department Head/Chair.
9. Threesome.
10. Halikan ang same sex na kaibigan sa lips.
11. Uminom for 5 days straight.
12. Tumambay sa Andok's ng 3 oras.
13. Tumambay sa 7-eleven simula 1am hanggang 7am.
14. Mag-yosi ng isang pack ng Marlboro na pula sa isang buong araw.
15. Sabihin sa crush ko na mahal ko siya para iwasan na niya ako for good.

Real-time Posting

Real-time posting.

'Yan siguro ang isa sa mapapansin ninyo sa blog ko. Hindi ko kailanman binura o binago ang mga sinabi ko na nai-post na noong nakaraang araw. Ang mga typographical errors (kung meron man) ay hindi ko na babaguhin kung matagal ang pagitan ng pag-post at pag-kaka-kita.

Real-time posting.

Ang pag post ng aking mga sinasabi dito ay kagaya lamang ng pagsasabi ko ng mga salita kung paano niyo ako kakausapin  sa personal. Hindi naman kasi nararapat na pulido. 'Yun ang maganda. Kasi may mali. Hindi ninyo gugustuhing mabuhay sa mundong perpekto - kasi hindi mo mararamdaman na minsan kang tama. Kasi planado na lahat.

Real-time posting.

Sabi sa twitter at  sa facebook, think before you click. Pero sa akin, think before typing. Mas malaki ang kapalit noon dahil ang disiplina sa sarili ang nagiging mahalaga. Mapapaisip ka munakung ano lamang ang dapat lumabas sa bibig at kung ano ang nararapat manatili sa utak - kung ano ang dapat pag-isipan pa.

Marami ang pwede ninyong isumbat sa akin dahil ganoon iba ang kaso ng internet at realidad. Subalit gusto ko pa ring mabuhay sa realidad - na wala akong karapatang isipin kung tama ba ang pag-click. Kasi ang responsibilidad mo ay nasa pag-iisip sa mga ginawa mo bago ka napaisip sa pag-click.

Sembreak

Pinag-iispan ko magpahinga muna dahil ganito na rin naman ang buhay estudyante. Kapag sem break, break lahat: lovelife, acads, pagma-mature at marami pang iba.

Kapag sem break, anong nage-break sa buhay mo?

Minsan naman eto na rin pala ang senyales na kailangan nang maghanap nang maghanap ng trabaho ng mga mayayabang na Octoberians.

Goodluck sa ating lahat. :)

Balitang Ina. Balitang Kagaguhan lamang # 001

babala: baka mali nanaman ang intindi ninyo, ang balitang ito ay kalokohan lamang.

* * *

Patuloy ang pag-laban ng mga Isko! Dahil sa mahusay na numero ng estudyante ang sumuporta sa pambansang walkout na naghahain ng mas malaking pondo sa edukasyon ng Student Council ng UP Baguio (hereon termed as UPB-USC) noong nakaraang 23 Setyembre 2011, gumawa muli ng hakbang ang UPB-USC upang ipagpatuloy ang nasimulang protesta noong ika-5 ng Oktubre sa UP Baguio Oblation grounds.

Sa isang panayam sa bise-presidente ng Konseho na si Isaac Galang, sinabi niya na ginawa ito ng UPB-USC upang ipaalam sa lahat na hindi natatapos ang laban sa pag-intindi sa hindi nakikinig na gobyerno na kailangan ng bawat SUC's ang hinihingi nitong budget allocation.

Marming pumunta na grupo ng estudyante sa programa, kasama na rin ang ilang guro - na hindi natinag sa maputik na Oblation Grounds at mahamog na hangin.

Dagdag pa Deg Daupan, Chairperson ng UPB-USC, kailangan talaga ang pondong hinihingi ng bawat eskwelahan dahil kailangan ito ng bawat estudyante kasama na rin ang mga guro at iba pang sektor na bumubuo sa bawat SUC's sa bansa.

Ani ng isa sa taga-UPB-USC na ayaw ipaalam sa madla ang pangalan, "Mahiya naman ang gobyerno sa ginagawa nila. Tignan mo nga't ilaw ng mga kotse lamang ang ilaw natin sa programa natin. Baka sa susunod out of print na ang Bluebook. Hihimatayin na ko, grabe."

* * *

Isa pa. Baka mali nanaman ang intindi ninyo, ang balitang ito ay kalokohan lamang.

Teacher Waiting as a UP Culture

Naaalala ko nung estudyante pa ako, marami akong oras na ginugol sa:

1. Pagpapa-photocopy
2. Tumambay
3. Mag-basa ng readings
4. Mag-lakad sa campus
5. Pagpu-puyat
6. Mag-internet habang nagre-research dapat; at
7. MAGHINTAY SA TEACHER

Siguro nasa kultura nga naman na ng UP ang biglaang nawawala ang mga teacher sa mga consultation hours nila. Pero ang wirdo lang kasi na magsasabi sila ng oras sa kalse nila na madali silang makikita upang makausap ukol sa university life o ng kanilang standing sa klase subalit NAWAWALA SILA.

Hindi naman ako galit, ineemphasize ko lang kasi na nagsayang ako sa oras na sana'y naka-tulog ako noon - kasi NORMAL SA MGA TAGA-UP ANG PUYAT. Bastos rin naman kung matutulog ka sa may tapat ng faculty - sa tingin ko.

Pero siguro hindi rin naman kasi tama iyon. Naalala ko na minsang may guro ako na nagsasabing kailangan ko siyang puntahan sa office niya ng alas-dos ng hapon subalit alas-kwatro na siya dumating dahil nag-kape pa siya kasama ng ibang teacher na wala namang ginagawa.

Sayang na oras. Maraming nasasayang na oras sa paghihintay. Pero bilang estudyante ka, wala ka kasing magagawa. Kung inaabuso ng iba ang pagiging estudyante mo, wala ka ring magagawa kung gusto mo talaga ng matinong grado. Minsan magpapaka-gago ka lang. Minsan, magdadala ka na lang ng kasama (libro, kaibigan, rubix cube) para malaro habang naghihintay.

Gaga Items

Bumabagabag sa akin ang maling pag-gamit ngayon ng mga estudyante sa salitang Lady Gaga bilang adjective sa kahit anong kakaiba.

Hindi kasi ganoon iyon at hindi naman siguro pinangarap ni Lady Gaga na i-connect sa kaniya lahat ng bagay.

Uso ngayon ang pag-termino sa kahit anong kakaiba na bilang "Lady Gaga" or "Gaga Items." Hindi kasi ganoon iyon. Ang pag-label sa isang bagay bilang ganoon ay katangahan. Ang isang bagay ay siyang dapat lamang tawagin na Lady Gaga-ish o isang Gaga Item kung nakita mo na minsang sinuot na ito ni Lady Gaga.

Hindi na kasi bago ang pagsuot ng kakaiba. Nagsusuot rin naman ng kakaiba si Katy Perry, si Nicki Minaj, o kahit si Beyonce. Wake up.

Hindi lahat ng kumikinang o hindi lahat ng kakaiba ay isang Gaga Item. Think properly, please. Wag kasing gumamit ng terminong hindi mo naman alam gamitin. :)

UP BAGUIO POST-IT # 007

This Picture is Worth a Thousand "Ay Tang-ina lang po."

Malamang ay nai-post na ng inyong mga kaibigan ito. 'Yung iba ngayon ninyo pa lang makikita. Ang larawan na ito ay nakita ko lamang sa Facebook na pinost ni "8 Toleran" kasama na rin ang mga description.

A couple of days ago, an embarrassing scene was played on TV when a Filipino general was carried on someone else' shoulder so he wouldn't get wet when he stepped off a banca. The American officer on the other hand waded in the water and stepped off the banca without any help. See the symbolism on why the Philippines has problems ? I think the Filipino General should be fired. How could he win the war against the Abu Sayaf? Eh, tubig lang takot na siya. Nakakahiya!! Lalong nakakahiya doon sa Kano na kasunod niya. he he he he he he he he BAGONG PEDICURE SIGURO ANG LOKO. Send this to all your friends and hopefully this will circulate para mapahiya itong General na ito.

 This Picture is Worth a Thousand "Ay Tang-ina lang po!" indeed!

The Perception of UP Students . . .

Oh thesis. Product ng buong buhay mo sa college, 'yan ang sabi ng iba. Ang sabi ko naman, kung product ng college life mo ang iyong thesis, huwag kayong magsi-tatluhan sa thesis at pahirapan ninyo naman sarili niyo.

Dati, tanggap ko pa nagkakaroon ang UP ng perception studies. Ilan sa mga ito ay ang mga sumusunod:

1. The perception of Cordilleran students of UP Baguio towards advertisements that use Cordilleran culture to promote tourism - Ceniza, X. C.
2. The influence of personality typology on the perception and choice of leisure activities among UP Baguio students  - Lavarias, C.
3. From click to "that's great!" :camera phone obsession and multiply.com and how they revolutionize presentation of self among UP Baguio BA Communication students - Corpuz, C.
4. A study on the prevalence of social loafing among social sciences students of UP Baguio - Nembre, M. P.

Tanggap ko ang mga "the perception of" at "among UP Baguio students" thesis titles dahil hindi pa naman noon kahigpit ang research discipline sa UP Baguio (hindi ko alam kung bakit). Pero kakaiba na kasi ngayon ang mundo kaya dapat kakaiba na rin ang mga thesis.

Pinapahirapan mo ang sarili mo sa thesis kasi dapat tingnan mo kung hanggang saan ka tatatag - hanggang saan ang kaya mo. Hindi ka gagawa ng isang thesis na kaya naman gawin ng lower batch. Mahiya ka kasi maaaring ginawa lang nila ng isang linggo 'yung "pinaghirapan" mo para sa isang semsestre. Ipakita mo naman kasi na kaya mo ang mahirap - Ipakita mo naman na taga-UP ka.

Bakit ako nagagalit ng ganito? Dahil dumadami na ang mga gumagawa ng thesis in groups samantalang kaya naman ng isang tao ang ginawa/gagawin nila. Sampalin ko sila ng UP Diksyonaryong Pilipino eh. Makapal 'yun kung hindi nila alam, pakisabi na lang. :)

UP BAGUIO POST-IT # 014

UP Baguio - University Student Council on Budget Cut

Na-invite ako at ipo-promote ko dahil pupunta ako. Copy paste lang po ito galing sa event page:

UPB-USC leads a movement on October 5, 2011 at the oblation grounds, 5:30PM.

This campaign is in line with the scheduled Senate Hearing on CHED and SUC budget this coming October 4 and 6. The strike aims to unite the UPB community in getting the attention of our legislators to show our call on the government to allocate more funds to the University, other SUC’s, and the whole education sector as well.

List of activities:

SC124 class performance

UP/Education budget situationer

Reading of unity statement

Human chain

Solidarity messages

Candle lighting

Symbolic tearing of form 5

Let's Wear BLACK and bring a photocopy of form 5. 

Krismas Wishlist ni Boypren (College Edition)

I-assume natin na hindi nangyayari sa inyo ng boyfriend mo ang pre-marital sex at wholesome kayo pareho sa bansa nating masyadong nadidikta ng Simbahan (at nakikinig ka rin sa LAHAT ng payo ng iyong magulang).

Ngayon, na-assume na ng iba, gumawa ako ng listahan ng mga maaari mong ibigay sa iyong boyfriend sa darating na pasko! :D

1. DVD ng Favorite niya na Movie

2. CD ng Favorite na Banda

3. Action Figure ng Favorite na Character

4. Comic Book(s)

5. Funny / Cute na boxer shorts

6. Payong na Kakaiba

7. Libro

8. T-Shirt na Ikaw ang Nag-Design (Naks!)

9. Ipaglu-luto mo Siya

10. Oras na Kasama ang Pamilya / Barkada

Kung nagawa mo na ang lahat ng ito . . . congrats! :)

UP BAGUIO POST-IT #019

Mga Tanga ba o Mga Nagtatanga-tangahan

Badtrip 'yung ibang mga tao ngayon. Hindi ko alam kung bakit subalit totoo yata na kinakain ang lipunan ngayon ng katangahan - sa kahit anong paraan.

Case 1
May nawalang bag sa isang Bus Station at nanggagalaiti ang 24 na taong gulang dahil hindi dapat ganito ang mga nangyayari sa mga Bus Station. Hindi sinabi ng 24 na taong gulang na mga lumang damit ang nasa loob ng bag na siya rin naman niyang ipapatapon sa Maynila subalit ang kawalan ng responsibilidad ng Bus Station sa mga gamit ng mga pasahero ay mas nakakabahala. Alas-dos ng madaling araw nangyari at tulog ang karamihan ng supervisors at ang mga opisyal ng Bus Station sa kani-kanilang mga bahay - na higit kumulang dalawang oras ang layo sa Bus Station. Iilang ticket saleslady at guard ang natira na gising - at mas nagising pa nang nagsimulang magreklamo ng malakas ang 24 na taong gulang. Dahil rin sa narinig, nagsisilipatan na ng Bus Station ang ibang sana'y pasahero. Walang nagawa ang mga guard at mga babae sa ticket counter. Wala ring matinong dahilan. Gusto lamang naman marinig ng 24 na taong gulang na mag-sorry ang mga tauhan ng Bus Station at sabihin na "gagawin namin ang aming makakaya upang mahanap ang inyong gamit," subalit wala siyang narinig.

Case 2
"Miss? Miss?"
Naka-ilang tawag na si Juan sa babaeng nasa Department Store na nakatingin sa parade mga tao labas subalit ayaw ng babae tumingin.
"Miss, okay ka lang?"
Nag-phase out na yata ang babae - hanggang sa wakas ay napansin si Juan.
"May size 32 pa kayo nito?" sabi ni Juan habang hawak ang pantalon sa harap mismo ng babae.
Subalit hindi nanaman nakatingin kay Juan ang saleslady.
"Miss?" sarcastic na ang tono ni Juan.
"Po?" bumalik sa katinuan ang babae.
"Leche."
Ibinalabag ni Juan ang pantalon at umalis ng Department Store.

Case 3
Ikalimang beses na ito ni Becky na mapansin ng ibang nasa-Mall (sa loob ng isang linggo) dahil mukhang nanunulak siya ng mga taong nasa harap niya habang naglalakad. Hindi niya gusto ito dahil hindi niya gustong pag-usapan ng ibang tao. Wala rin siyang balak mambastos. Pero may mag pangyayaring tumulak lang sa kaniya.
Mahilig tumigil sa harap mismo ng escalator ang mga tao, at mag-usap kung saan sila pupunta sa loob ng Mall. Subalit kung patuloy ang numero ng tao na umaakyat o bumababa sa isang escalator, naisip ni Becky na hindi naman talaga dapat tumigil sa harap ng escalator. Unconscious man o hindi, hindi dapat humarang sa pampublikong daanan. Nang huling may gumawa sa kaniya noon, tinulak ni Becky ang gupo ng kabataan.

Common Sense. Sa patuloy na pag-ubos ng mga taong nagbabasa o manuod at makinig man lamang ng balita, nauubos na rin ang mga taong mabilis mag-isip ng tama o wasto. Iilan na lamang ang nakakapag-isip nang maayos. Iilan na lamang ang nasa tamang katinuan.

Ang punto ko lamang kasi ay ganito:
1. Kung nakaedepende ang buhay mo sa iyong trabaho, huwag kang umayos ng hindi kaaya-aya habang nagta-trabaho ka. Hindi naaawa ang boss mo kung mawalan ka ng trabaho. Mas maaawa siya sayo dahil hindi ka marunong magpahalaga ng trabaho mo.
2. Kung hindi mo alam ang gagawin, gumawa ka ng paraan upang masolusyonan ito. Hindi ka tatanga o makikipag-usap pa isa pa mong kasama na hindi man lang alam kung ano ang dapat ring gawin. Huwag magsayang ng oras. Kasi minsan, oras na rin ng iba ang sinasayang mo.
3. Kung kikilos ka sa isang pampublikong lugar, siguraduhin na hindi ka makakagambala ng iba. Kung hindi ka naman kikilos, huwag ka naman humarang sa daraanan ng iba.

Tanga ba o nagtatanga-tangahan?
Kung tanga, gawan mo ng paraan pasa masolusyonan 'yan.
Kung nagtatanga-tangahan, wag mong ipagmalaki na Pilipino ka.

Mga Patok na Creative Shots

Nagbago akong isip at iba na lang ang introduction nito. Octubre na. At hindi isyu ngayon ang pagkakaroon ng pagkaka-abalahan dahil sa costume parties or trick-or-treat sa Halloween. Ang isyu ay ang pagkakaroon ng magandang Creative Picture sa Yearbook na matatandaan ng lahat na pinakamaganda at tumalbog sa mga walang-kwenta nilang creative picture.

Gumawa ako ng listahan upang magkaroon naman ng ideya ang iba ng kung ano ang MAGANDANG CREATIVE PICTURE (in no particular order):

Disney Classics Photoshoot

Oras na para maging creative at gayahin ang aktual na costume ng mga karakter sa childhood fantasies ng lahat ng naging bata - o magpasa-hanggang ngayon ay isip bata. Kung gagawin ang Disney Creative, siguraduhin naman na maayos at tama ang pagkaka-portray. Bigyan ang hustisya ang pangarap ng iba. Uno o Singko lang ang bagsak nito. Ibig sabihin, kapag hindi mo nagawa ng maayos, pagtatawanan ka - kahit ng Nanay at Tatay mo.

Filipiniana

Nothing beats the present but the awesomeness of the past. Naks! Gawa ko 'yan. Pero totoo. Oras na para maghanap ng mga portrait nila Lolo o Lola o ng mga ninuno para magaya para sa iyong Creative Picture. Ito 'yung mga klase ng litrato na hindi ka nakatingin sa kamera at automatic na Sepia ang filter ng kamera. Hindi mo kailangang gayahin ang konsepto ng mga Kano na "classic." May sarili tayo at ipagmalaki mo iyon.

House Chores

Wala pang gumagawa nito at mas creative kapag ikaw ang pinaka-una. Subukan ang mga ilan sa mga sumusunod na ginagawa mo na kinuhanan ka ng litrato:
a) naglalaba,
b) nagsasampay,
c) nag-huhugas ng pinagkainan,
d) nagluluto,
e) namamalantsa,
f) nagtitiklop ng sinampay,
g) nag-pipintura ng dingding
h) nagwawalis,
i) nagbubunot ng sahig,
j) nagfo-floor wax
At marami pang iba! :D

Pop Culture (Music)

Iba na ang feeling kapag napa-wow mo ang iyong mga batchmates - lalo na kapag nainggit sila sa ginawa mo. Sa pagkakataong ito, gayahin ang mga kilalang Pop Star ng isang specific na henerasyon. Maaaring ito ay si Madonna, Kiss, Michael Jackson o si Lady Gaga. Kung wala sa mga nabanggit, siguraduhin lamang na ang gagayahin na  Pop Music Icon ay kilala rin sa isang specific na "look" o imahe. Hindi mo rin naman kasi magagaya si Francis M., Andrew E., Jolina, Tootsi Guevarra, o si Chito Miranda. Magmumukha kang jologs. Promise.

Philippine Literature Inspired

Nationalist ang drama mo? Edi go na sa mga Philippine Literature inspired. Gayahin si Lam-ang, Urduja o kahit sino pa na mula sa Florante at Laura. Walang masama sa ganun - basta siguraduhin na alam ng lahat ang ginagawa mo at hindi ka mukhang nag-imbento ng Alamat ng Sarili Mo. Have fun, pero huwag hayaan na mukhang pinaglalaruan mo ang kulturang Pilipino.

Famous Painting or Sculpture

Kung napull-off mo 'to, mukha bang may tatalo pa sayo?

Mascot

Dahil ang linya ng creative at nakakatawa ay halos magkadikit lang, masaya na magmumukha kang tanga sa pagsuot ng mascot-costume at gagawa ng pose na sobrang nakakatawa habang wholesome pa rin. Maaalala ito ng mga batchmates mo dahil sa mga katarantaduhan mo habang nasa photoshoot at hindi sa end photo na makikita nila sa yearbook - ganoon ka rin naman at matutwua ka pa rin. Babala: Kung gagamit ng actual na mascot ng isang fast food chain, iwasan ang mga bastos na pagkuha ng litrato - kahit na pang-lokohan lang. Alam niyo yan. :)

Anything na Unrecognizable Ka

Hindi nagrerely sa photo-shop pero astig pa rin! 'Yun ang creative picture. Seryoso, kahit sino mapapa-standing ovation sa gagawin mo.

The "Oh My Gosh" Picture

Simple lang, dapat kapag nakita ito ng mga batchmates mo o kahit na sino pa ay ma-papa"Oh My Gosh" sila. Ito 'yung klase ng mga litrato na kahit anong gawin nila ay mahihirapan sila makalimutan. Hindi traumatic pero astig pa rin!

:)

Mga Nakakasawa nang mga Creative Shots

Ga-graduate na ang ilan sa mga estudyante ng batch 2008 sa halos lahat ng eskwelahan sa bansa (kasama na ang UP Baguio) at ilans a mga nag-extend. At dahil diyan, normal lamang na bumubuo na ang ilan sa mga eskwelahan ng kani-kaniyang Editorial Board para sa kanilang yearbook. (ipo-post rin itong paragraph na 'to sa katulad na article)

At dahil kasama rin naman sa bawat year book ang inaabangan na CREATIVE SHOT, naglista ako ng ilan sa mga DAPAT IWASAN ng mga estudyante na CREATIVE PICTURE CONCEPTS (in no particular order):

Fairy

Tantanan na natin ang mga fairy. Hindi sila cute. Maaaring cute ang nagbabalak maging fairy subalit tandaan na ang adjective ng pagiging cute ay para lamang sa mga aso ~ at mga figurines, at sa mga mukhang hayop. Paso na rin ang pag-rely sa photoshop kasi hindi naman photoshop ang solusyon sa lahat ng bagay. Kung gagawin ito, siguraduhin naman na bibigyan mo ng hustisya ang image na pinaghirapang gawin ni Tinkerbell.

Princess / Prince

Kung hindi ka pa nakuntento sa childhood fantasies mo, pwede namang sa birthday mo na lang gawin at huwag sa yearbook gawin ang magiging prinsipe o prinsesa - pati pagiging hari o reyna. Tandaan na iilan pa lamang ang nakaka-pull off ng matinong Princess / Prince look. Kung masyado kang komportable sa image mo bilang Prinsipe o prinsesa, think again. Hindi mo kasi alam kung anong pwedeng sabihin ng iba. Minsan rin naman, bigla ka na lang magugulat na mukhang tanga pala 'yung ginawa mo. Pero okay lang rin naman, masarap na napagtatawanan mo rin ang sarili mo kung minsan.

Angel

Hindi ka nakuntento sa Fairy at nagbait-baitan ka pa. Angel. Ang sarap mo sapakin. Kung relihiyoso akong tao, malamang sasabihin kong blasphemous pa ang ginawa mo. Joke lang naman. Wag magalit.

Tribo with incorrect colors / artifacts

Mag-research sa gagawing culture creative pic concept. Hindi ko masasabing creative ito pero sana bibigyan mo ng hustisya ang tribo na ipapakita mo. Icheck at idouble check ang kultura na gagayahin - lalo pa't kung hindi ka naman katulad nila at feel mo lang na creative ka kapag gagawin mo 'yun. Wag maging bastos - kahit hindi mo naman sasadyain - may responsibilidad ka na mag-research. Kahit balak mong maging isang Navi sa Avatar, icheck mo pa rin - para hindi ka magmukhang tanga.

Nude

Wala akong nakikitang creative sa pagsusuot ng wala. 'Yun lang.

Rockstar

Iba ang emo sa pagiging rockstar. Hindi lahat ng rockstar ay may eyeliner at kailangang may gitara o met leather o may metal-metal na nakakabit o nakasuot sa katawan. May rockstar na vocalist lang at wala nang iba. Kung gagaya ng kilalang rockstar, tignan mo 'yung mga signature outfits niya. Tignan rin kung ano 'yung mga poses na kilala siya. Kung gagaya ka rin lang naman, ayusin mo na.

Lover / Loved

Hindi ko alam kung bakit mo babalaking maging lover / loved. 'Yung para bang may hawak kang rosas o bulaklak na kahit ano tapos naka-cocktail dress / outfit ka. Pwede mong gawin 'yun araw-araw. Hindi mo naman 'to first time mag-pa-picture, di ba?

Movie Characters with Lame Outfits

Kailangan ko ba bang mag-explain? Sige na nga. Isang linya lang: Pondohan mo naman 'yung outfit mo.

Same as Actual Talent

Hindi po 'yan creative. Nagyayabang ka lang.

Same as Formal

Seryoso ka? Nasan ang creative 'jan?

Kung nagawa mo na ang ilan o isa sa mga dito, hindi mo na kailangang magsisi. Sana lamang ay papanindigan mo ~ mas importante 'yun. :)

Abangan (O mga naka-cue na ipo-post)

Tatlo lamang ng maaari kong sabihin sa ngayon:

1. Ang mga Tanga at Nagtatanga-Tangahan
2. Mga Regalo Para sa Boyfriend
3. Mga Patok at Nakakasawang Creative Shots para sa Iyong Yearbook ( 2 magkahiwalay na artikulo)

A Nicotine A Day

Kapag wala kang pera, minsan, mapapa-yosi ka na lang talaga.

'Yan yung natutunan ko noong nasa kolehiyo ako sa UP Baguio. Kasi mahirap nga naman ang buhay at wala ka sa posisyong magreklamo dahil estudyante ka pa lang. Ang pwede mo lang gawin ay mag-aral ng mabuti para makakuha ka ng matinong trabaho - nang yumaman ka at makahanap ng super hot na asawa na bibigyan ka ng magaganda at gwapong anak.

Minsan kong nabasa sa facebook na,
Hindi kasalanan ang ipinanganak na mahirap; kasalanan ang mamatay na mahirap pa rin.

Totoo nga naman. . . pero hindi naman ako matalino kaya nauwi ako sa pagyoyosi. Choice ko 'yun. Walang social pressure at kung ano pang kalokohan. Choice ko 'yun. Wag kayong mag-isip ng anu pang dahilan.

Ops. Hanggang dito na lang muna. Saka na 'yung mga yosi experince. Naka-emphasize naman na kasi 'yung gusto kong iparating sa itaas. Mas importante 'yun kesa sa life-sharing.

Pilosopiya at Strike, At kung bakit pang mayaman ang mga Strike.

Nakakatuwang isipin na pareho lamang ang "nature" (dahil hindi ko alam ang Pilipino ng salitang nature) ng Pilospiya at ng Strike. Pareho kasi silang self-destructing.

Bakit?

(Pwede i-skip itong part na 'to) Malamang alam niyo na pero sasabihin ko pa rin. Sa Pilosopiya kasi, yung sariling niyang sagot sa ginawa niyang tanong, gagaguhin pa niya at hahamunin ang sarili niyang tanong sa pamamagitan ng panibago pang problema. Paulit ulit na tanong hangga't napiga na 'yung lahat-lahat -- hanggang hindi naman talaga nasagot pa. Sa madaling salita, sa Pilosopya, problematic kasi kahit anong gawin mong solusyon, gagawan pa ng panibagong problema - na ikaw rin naman kasi ang may kasalanan.

Self-destructive ang mga STRIKE (sa kahit anong paraan e.g. transport, work, etc.) kasi ginagawan mo ng problema ang mas malaking problema. Tignan mo ang PALEA ngayon.

Nagreklamo ang PALEA dahil sa hindi umanong tamang pagtrato ng PAL sa kanilang mga empleyado. Nang nagka-strike, napilitan ng PAL (kanina lang) na hindi na muling makikipag-"negosyo" sa PALEA nang hindi na maulit ang nangyaring pag-disrupt ng mga flights ng mga Pilipino, Turista, at mga Alien. Nalugi ang PAL malamang hanggang sa ngayon sualit mas nalugi ang mga taga-PALEA na sumama sa strike na diumanong nawalan na rin ng trabaho.

Para sakin kasi, importante naman ang mga strike dahil naipaparating nito sa mga kinauukulan (pati na rin sa Media, buong mundo at walang pakialam) ang ilan sa mga isyu ng lipunan. Pero hindi naman kasi pang-middle class ang mga strike.

Kaakibat kasi ng strike ay ang posibilidad na matanggal ka sa trabaho. Handa ka ba sa posibilidad na iyon? Marahil handa ka lamang kasi kung isa ka sa mga sumusunod:
1. Anak ng mayaman; o
2. Nakapag-ipon ng sapat na pera na magtatagal hanggang makahanap ka muli ng trabaho.

Ngayon, kung sasama ka sa isang strike, handa ka ba?

Sa mga estudyanteng nagbabasa nito (naks!), mag-isip ng mabuti kapag nakahanap na ng trabaho ha? :)

Death of OPM

Simpleng dahilan lang 'yan kung bakit hindi na ganoon kayabong ang ating entertainment industry - lalo na sa larangan pa lamang ng musika: kasi nagiging tamad tayo.

Tapos na ang panahon kung saan ang magagaling nating mga kompositor ay nariyan. Napalitan na ang kanilang hilig sa pagsusulat ng orihinal na magagandang musikang Pilipino sa pagggawa ng jingle ng isang commercial advertisement, jingle ng pulitikong tumatakbo sa pwesto, o theme song ng teledrama na pauulit-ulitin lang 'yung chorus ng ginawang kanta o minsan ay gagawin pang titulo ng pelikula.

Kailangan kasi ng pera ngayon at marami sa mga magagaling na kompositor ay ipinagpapalit ang integridad ng dekalidad na likha sa mabilisang paggawa na malaki ang kita, gaya ng sa jingle. Hindi ko naman syempre sinasabi na hindi dekalidad na musika ang ginagawa ng mga kompositor ngayon. Ang sinasabi ko lang, sana mayroon pa rin na gumagawa ng musika - para sa kapakanan ng pagkakaroon ng magagandang musika. Hindi dahil sa pera.

Tapos na ang panahon ng kasipagan. Tamad na ang marami sa ating mga talentadong Pinoy. Sino ba kasi naman ang gaganahan sa pag-tangkilik ng mga TV programs sa mga International hits. Buti na lamang at may mga gwapo pang bokalista ng mga banda na kinagigiliwan ng mga kababaihan - at mga kabaklaan.

Ang mga kababaihan, at mga homosekswal, ang isa sa malaking populasyon na tumatangkilik sa ating musika. Ang mga lalaki ang nagdo-dominate sa mga banda - na gumagawa ng musika. Pero iilan na lang rin ang gumagawa ng original songs. Puro covers. Puro putanginang covers ng mga gasgas nang mga international songs. Nagmumura ako kasi nakakagalit. Walang point ang pag-cover sa kanta na sumikat na. Gusto kong magpangalan ng mga artist na puro covers lang kaso ayoko makasuhan ng libel.

Death of OPM? Siguro mali ako. Hindi pa patay ang OPM. Pero malapit na. Tignan mo nga naman kasi 'yang iTunes mo, o 'yang mp3 phone mo, o kahit ano pa man. Tignan mo ang ratio ng International Songs sa Local (Original) OPM songs. Wag mong sabihing Nationalist ka. Kasi kung Nationalist ka, tutulong ka sa pagsuporta sa musikang Pilipino na minsan nang nagpatibay ng kulturang Pilipino.

Ang mainsulto, guilty.

UP BAGUIO POST-IT #013

UP BAGUIO POST-IT #023

Harry Potter o Bakit Masayang Maging Extending!

Ang buhay ni Harry Potter, parang buhay sa UP lang – minsan, paabutin mo ang Maximum Residency. Minsan naman, adik-adik ka lang talaga. Tignan natin kung pareho tayo ng nasanasan. Syempre sa UP Baguio ang experience na ‘to:

1. Harry Potter and the Sorcerer’s Stone
- Reluctant ka talaga sa umpisa. Pero amaze na amaze ka nang nakapasok ka na.
- ‘Yung unang semestre feel na feel mo ang pagiging taga-UP. Feel na feel mo ikaw lang ang atensyon ng lahat. Freshie Night. Freshie Orientation. Inter-Freshie. Lahat may “Freshie!” Kulang na lang Freshie Food Sale.
- Ganoon rin naman si Harry Potter – hanggang umeepal na si Draco Malfoy; at syempre naasar ka na nang may mga epal na higher year na nagmamarunong na para bang hindi nila naranasan ‘yung naranasan mo.
- Ramdam mo rin ‘yung hell week at sobra ka kung makapagpost sa Multiply/Facebook/Frienster/Wordpress mo.
- Reklamo ka rin sa dami ng readings!
- Pero fulfilling sa lahat ay nang natapos mo na yung dalawang semestre. Dalawang buwan ulit ng pahinga kasama ang pamilyang inuutusan ka (re: Dursleys).

2. Harry Potter and the Chamber of Secrets
- Marami kang madidiskubreng sikreto sa eskwelahan.
- Malalaman mong Freshie lang talaga ang nagsusuot ng ID nila at naglalakad sa corridor in "packs."
- Matutuwa ka sa kamangmangan nila sa school at nakikisali ka sa pag-loko sa ibang higher classes na ang TBA ay ang building na nasa likod ng HKP.
- Kagaya ni Harry Potter, makakatagpo ka ng kung anu-ano: notebook, bluebook, classcards, ballpen, payong - at iuuwi mo ito kasi ID at Library book lang naman ang ibinabalik sa lost and found. Ang walet kapag nawala, malamang, nadukutan ka na.
- Mararanasan mo rin na magkaroon ng "Ron" na ayos lang na matulog ka sa bahay nila.
- Magkakaroon ka ng kaibigan ng "Hermione" na grade conscious.
- Mapapagalitan ka ng teacher at feeling mo meron ka nang Snape na umaaligid palagi sayo.

3. Harry Potter and the Prisoner of Azkaban
- Hindi ka gaganahang pumasok dahil kung anu-ano ang pumapasok sa isipan mo.
- Third year ka na kaya nasa border ka ng desisyon kung magtitino ka o hindi. Iisipin mo kasi may isang taon pa naman.
- Kagaya ng Knight Bus, adik ka na rin sa Joyride papunta at pabalik ng Baguio. Minsan gusto mo rin pumunta ng Asin, o ng La Union, para lang magswimming - kasi marami kang pera ng weekend na 'yun.
- May mga kamag-anak ka rin kung minsan na makikilala - o kung hindi man ay schoolmate mo pala, or biglang 'yung kakilala mo nung high school, kakilala na pala ng schoolmate ng kaibigan mo dati. Gaya nga ng nasabi ko, Intersecting Social Circles.
- Death Eaters at Dementors. May mga subjects kang ibabagsak ng hindi mo alam. Malamig rin sa Baguio all of a sudden. Siguro naghahanap ka na ng lovelife - o ng bagong lovelife. Naks!

4. Harry Potter and the Goblet of Fire
- Kumbaga sa Triwizard Cup, ito na 'yung panahon na ipaglalaban mo na pumasa. Kasi 'yung ilan sa kakilala mo, paalis na. Feel na feel mo na cheer ng cheer ang mga tao na umalis ka na sa UP. Kaso malupit ang kapalaran. Nabuhay si He-Who-Must-Not-Be-Named. Nag-inarte ka at tinawag mo niyang Voldemort. Ayan tuloy, may nabagsak ka ulit, o nag-shift, o nag-LOA, o nanganak, at magkikita daw ulit ako ni UP sa susunod na taon.

5. Harry Potter and the Order of the Phoenix
- Nung akala mo na walang-wala ka na. Aba! May ilalaban pa pala! At nariyan pa rin ang ilan sa iyong mga kaibigan para suportahan ka! Sa sobrang mahal nila sa'yo, sinamahan ka nila at mukhang sasamahan ka pa nila sa mga susunod pang mga taon.
- May mag-iinarteng Prinsipe o teacher na magpaparinig na umalis ka na ng UP. Joke-joke lang 'yung tono niya at aaminin niya sayo na joke lang 'yun. Pero sa totoo lang ay totoo naman 'yung sinasabi niya. Under normal circumstances dapat magtatagal ka sa UP ng kung ano man ang required sa course mo. Adik ka kapag 3 and a half ka. Pero minsan, hindi rin naman kailangan pagmadaliin ang graduation. May dalawang taon pa.
- Namatay rin pala si Sirius ng taon na ito. Ganoon rin, may ilang batchmates kang mawawala bigla. Hindi na nakayanan ang UP o ang pagtaas ng tuition nito. Joke lang sa admin na makakabasa. :)

6. Harry Potter and the Half-Blood Prince
- Kagaya ni Albus Dumbledore at Harry Potter, mag-flashback ka rin sa mga ginawa mo sa buhay mo na mali at kung ano ang tama. Mag-hanap ng clues para malaman kung ano ang gustong ipaalam sayo ng UP. May iba na ang maiintindihan nila ay dapat sumuko na sila sa pag-aaral sa UP; May iba naman na sasabihin na kaya pa, last chance na nga naman kasi ang next year kung pumalpak pa 'tong taon na 'to.
- Papalpak nag dahil mawawala si Dumbledore - o kung sino man na kaibigan mo dahil a) tinanggal siya ng isang Snape (teacher), b) kinakailangan na niya ring magtrabaho, c) nag-MIA sayo ang gago.








7. Harry Potter and the Deathly Hallows
- Deathly Hallows indeed! Kasi kung hindi ka magtitino, kung hindi mo aayusin ang buhay mo - ikaw ang patay sa magulang mo.
- Alam na ninyo naman 'to. Syempre, hindi ka magpapatalo. Ikaw pa. Pumasa ka ng UPCAT eh. Panindigan mo naman. Naks!













IKAW? Hanggang saan ka'ng libro ni J.K. Rowling nang nakapagtapos?
(salamat pala sa google.com // hindi ko na mahanap ang source ng bawat litrato. sana hindi ako makasuhan ng plagiarism)

Intersecting Social Circles

Mas padaliin natin ang usapan. Ibahin natin ang nakasanayang format.

1 – Ang artikulong ito ay papangalanang “Intersecting Social Circles.”

2 – Ang artikulong ito ay sasakop lamang sa mga estudyante at ilang piliping guro ng UP Baguio.

3.1 – Ang termingong “Social Circle” ay tumutukoy sa mga kaibigan, kakilala, naging-katipan o kahit ano pang may kinalaman na termino, ng isang estudyante.

3.2 – Ang ilan sa mga madalas na mga “Social Circles” ay: (a) blockmates, (b) batchmates, (c) classmates, (d) kaaway, (e) orgmates, (d) brod o sis sa fraternity o sorority, (e) political party-mates, (f) housemates, (g) co-collegemates, (h) ka-banda, (i) ka-building, (j) exboyfriends o exgirlfriends, (k) manliligaw; at (l) kapitbahay.

4.1 – Ang artikulong ito ay nagsasaad, sa kabuuan, na ang mga Social Circles ng mga estudyante o guro sa UP Baguio ay halos magkaka-kilala o “intersecting.”

4.2 – Ang ibig sabihin ng “intersecting” ay ilan sa mga sumusunod:

4.2.a – Ang dating maninigaw ay siya nang nanliligaw sa kapitbahay ng dating kaaway.

4.2.b – Ang karamihan ng batchmates ng isang estudyante ay siya nang kaaway ng isang fraternity. Habang ang fraternity ay kaibigan ng nasabing estudyante dahil sa koneksyon nito sa magkaparehong kanilang political party.

4.2.c – Ang kapitbahay ng isang estudyante ay blockmates ng kaaway ng nasabing estudyante.

5 – Ang pagkakaroon ng Intersecting Social Circles ay hindi masama.

6 – Ang pagkakaroon ng Intsersecting Social Circles ay pruweba lamang “maliit ang mundo” ng mga guro at estudyante – lalo na kung ang guro ay dating estudyante ng UP Baguio.

7 – Ang Intersecting Social Circles rin ay isang clue ng mga ilang estudyante sa tuwing may chismis sa UP Baguio.

8 – Ang isang masama sa mga Intersecting Social Circles ay dahil kapag naipit ka sa gitna ng nag-aaway mong Social Circles.

8.a – Hindi obligado ang isang indibidwal na ayusin ang away sa pagitan ng dalawang kinabibilangan – na nag-aaway – na Social Circles.

Okay. Balik na ko sa aking ginagawa.

(tinapos ng 9:38pm kagabi, subalit hindi nai-post dahil pinutol ni Pedring ang matino ko na internet connection)

Bagong Layout

Dahil napansin ko na mayroon na ring mga estudyanteng naglalabas-pasok ngayong araw sa building namin, isa lang ang ibig sabihin nito: May pasok na ulit!

At tama lamang na bigyan natin ng bagong layout ang blog na ito. Oha! Nakikisabay ako sa uso. (Walang connection pero gets niyo na 'yun. Gusto ko lang lagyan ng dahilan ang bagong layout.)

Adik ka rin, Pedring!

Nag-anunsiyo sa buong Baguio, kasama na siyempre sa UP Baguio na walang pasok sa kolehiyo. Ang update, at ilang detalye, sa ngayon (5:04pm) kay Pedring?

1. Typhoon Nesat ang international name ni Pedring.
2. Walang biyahe / kanselado ang PAL flights hanggang mamayang 6:00pm.
3. Hindi bababa sa 22 tao ang namatay na.
5. Category 3 Typhoon si Pedring (average na 200kph) nang tumama ito sa Pilipinas.
6. Nasa lebel na ng Code White ang mga ospital sa NCR at sa iba pang apektadong lugar. Ang code white ay nangangahulugang kinakailangan nang handa ang mga emergency rooms ng mga ospital - kasama na rito ang mga kinakailangang gamit, doktor, at mga nurse.
7. Inaasahan na magkakaroon ng "water spill" ang La Mesa Dam dahil malapit na ito sa overflow level na 80.15 na metro.
8. 15 - 25 mm ng ulan ang ibinubuhos ni Pedring kada oras.

Kung may pasok bukas, bukas ng madaling araw natin malalaman! Oh yeah!
(maraming salamat pala sa Yahoo! news)

Homosexuals are Happy People

Kung mapapansin ninyo, kahit ngayon, ang mga homophobic lately ay hindi nawawalan ng homosexual na kakibigan - o kung hindi man ay kakilala na hindi nakakailang namakasalamuha (bagama't meron at meron pa rin na nakakailang talaga). Isa marahil kasi sa mga magandang dahilan kung bakit lahat tayo ay may kaibigang homosexual ay sadyang masayahin ang mga homosexual. Hindi ko alam kung bakit pero ganito madalas ang napapansin ko.

Wala akong pilosopiya kung bakit masayang tao ang mga homosexuals (gays and lesbian) subalit siguro nga ay ganito naman talaga dapat ang outlook natin sa buhay. You will always have something to thank about at napapansin ko iyon sa mga bading at lesbianang tanggap kung ano sila - kahit na madalas ay hindi maganda ang tingin sa kanila ng ilang mga tao.

Rainbow ang tema o flag ng LGBT sa Baguio  (ganoon rin ang alam ko sa buong mundo). Very colorful at walang dating na tila hindi ito isang hakbang para maghimagsik sa mga nangungutya sa kanila. Nakasama na ako minsan sa parade ng LGBT at sobrang saya.

Ang punto ko lang naman ay simple lang. Masayahin ang mga bading at lesbiana at may karapatan silang maging masaya sa kung ano mang gusto nilang gawin sa buhay nila (provided syempre na walang nasasaktan). Hindi natin sila dapat husgahan dahil marami naman sa kanila ay nagpapasaya o nagpapatawa sa atin sa panahon ng kalungkutan.

Sige nga, sa ratio ng straight at hindi, ilan bang komedyanteng straight na lalaki ang kilala mo?

Facebook vs Acads

Kakaiba ngayon ang away na nangyayari sa ilalim ng away sa pagitan ng:
a) Girlfriend at Boyfriend na mahilig sa Facebook,
b) Twitter na nauunang magpublish ng balita sa Yahoo!,
c) Yahoo! at Twitter na nauunang nagbabalita kaysa sa mga dyaryo,
d) UAAP schools rivalry
e) libro at mga e-books; at
d) Team Jacob at Team Edward

Sa ngayon, mas napapansin na ang mas madalas na pagbigay ng oras ng mga estudyante sa social networking sites (gaya ng Facebook) kaysa sa google na nagsilbing isang mainam na "search engine" ko ng mga pdf files na ginmit ko sa aking thesis ilang (buwan) o taon nang nakakaraan.

Nakakatakot ito kasi hindi mo alam ang maaaring mangyari sa mga estudyante ngayon - at kahit tignan mo pa ang facebook ay iilan lamang naman talaga ang nag-usap na mayroong kinalaman sa academic life nila. Chismisan at updates sa mga kilala o balak kilalanin ang sistema. 'Yung iba, wala lang magawa at naghihintay ng kakausap sa kanila ~ kawawa naman.

Posible kayana magkaroon ng log-in time limit ang Facebook kung pruweba nang hindi na nagkakaroon ng magandang epekto ito sa academic life ng mga users niya? Maraming magagalit, malamang. Magpapaparty siguro ang mga magulang.

Pero sa totoo naman kasi, walang tatalo sa actual interaction kaysa sa online na wala nang gagawin sa iyo kung hindi ay maging tamad. Wala na nga yatang estudyanteng nagbabasa ngayon ng dyaryo - sa tuwing required lang yata.

[salamat palasa picture na nasa itaas. nagmula sa: http://nelsonbobbijoedm310.blogspot.com/]

Salamin ng Starbucks

Teorya.

Sa tingin ko, may mga dahilan kung bakit malinaw na salamin ang ginagamit ng Starbucks sa kanilang mga cafes. Naglista ako ng ilan sa mga naisip kong mga dahilan:

1. Para malinaw mong makita kung nasaan ang lugar mo sa siyudad. Hindi ka nakaka-afford ng mamahaling kape at hanggang tingin (o amoy ka lamang). Sampal sa mukha? Oo. Nasampal rin ako.

2. Para makita mo na hindi na lamang basta pang-gising sa sarili sa umaga o sineserve sa burol ang kape. Ginagamit na ngayon ang "coffee" kapalit ng "tea." Iba na ang lenggwahe ngayon ng mundo. Wake up.

3. Para makita mo na hindi na totoo ang chismis na gwapo ang mga barista ng Starbucks.

4. Para makita mo na may iba kang kaibigan na handang ipagpaliban ang pagkain ng agahan, tanghalian, at hapunan para lamang magkaroon ng sandalina ipahayag sa mundo na kaya nilang uminom ng mamahaling kape - na sa totoo lamang ay hindi naman ganoon kalaki ang pinagkaiba sa iyong iniinom tuwing umaga.

5. Para makita ka ng kaibigan mo na kaya mo ring uminom ng mamahaling kape.

6. Para maipahayag ng Starbucks na "accessible" sila sa masa. Masarap naman kasi talaga ang kape nila.

7. Para makatipid sa kuryente. Syempre, iba na ang menos sa gastos kung buong umaga ay nakapatay ang mga dilaw na ilaw.


Ikaw? Ano sa tingin mo ang dahilan kung bakit "clear" ang salamin ng Starbucks?

Pagkakaisa

Wala nang tatalo pa sa isang unibersidad na nagkakaisa.

Kaninang tanghali, nakiisa ang UP Baguio sa pagtutol ng Budget Cut ng gobyerno sa Education Budget. Apektado nga naman kasi ang mga State Universities and Colleges (SUC's) sa tuwing nagkakaroon ng dagdag-bawas sa pondong nakalaan sa edukasyon na napupunta sa militar.

(May mga reservations ako sa education vs military budget feud pero saka nalang 'yun, syempre)

Nakakatuwa rito ay dahil nakilahok ang 3 pinakamalalaking organisasyon ng UP Baguio: ang Alliance of Concerned Students (ACS), Campus Alliance for Dedicated and Unified Action (CADUA), at ang Unite UP. Dagdag pa, naroon rin ang Admin, mga estudyanteng walang kinabibilangang org, mga academic orgs, pati mga fraterinies at sororities. Nakaka-aliw! Nationalism? Hindi ko sigurado pero ang importante, nagkakaisa ang lahat. Importante 'yun.

(ang larawan ay ang kasalukuyang headshot ng like page)

At may bonus pang like page na kung saan nakasama ako sa larawan! Kung nasaan ako, o kung sino man ako, wala na yun sa tanong. Malabo naman yung litrato ko nang nakuhanan ako. Naka-focus sa ibang tao ang camera.

Ito ang like page para makiisa: http://www.facebook.com/pages/UP-Baguio-against-Budget-Cut/253172351394667

Double Meanings

Nakalimutan ko na kung gaano nagiging creative ang mga estudyante ngayon. Mabenta ang sex sabi ng isa kong dating propesor sa Media Studies. Mas pinapansin kasi ng tao kapag may stimulating. Kung ang isang stimulant ay nakakapagsimula ng sex, minsan rin, ang sex ay ginagawang stimulant para mapansin mo ito.

Iba ngayon ang taktika ng ilang mga organisasyon ng mga estudyante. Mabenta ngayon ang Double Meanings. Hindi ko naman sinasabi na kontra ako dito. Pero kung lahat na lang ng advertisements ngayon ng mga proyekto ng estudyante ay Double Meaning, hindi kaya sobra na?

Ang punto ko: maging mas creative para mapansin. 'yun lang.

Block Sections

May pagbabagong nagaganap sa UP Baguio. Kakaiba ito mga tsong. Kasi ang CRS ngayon, kakaibang kakaiba na. Ang CRS na dati'y pahirapan sa pagkuha ng mga subjects ay para na lamang sa mga second years and above.

Wala naman sa akin 'yun. Pero hindi ba't kasama na sa UP ang sistema ng pagkainis sa tuwing hindi binibigay ng CRS ang mga mamahalag mong (kailangang) subject? Kawawa naman 'yung mga estudyanteng pampered na sa "dumadaling sistema sa UP."

Iba nga talaga siguro kung "mas mayayaman" na ang sangka-estudyantehan. Dumadali ang buhay.

Pero mas gusto kong nahihirapan ako - kasi sa ganung paraan ako madaling natututo.


Opinyon ko lang.

UP Pep Squad (Diliman)

Iba na ngayon ang balita, sa twitter mo na lang talaga unang malalaman. Bukas pa lalabas sa dyaryo, mamaya pa ipapalabas sa tv pagkatapos niyang commercial ng palabas na iyong pinapanuod.

in pic: GMA news: 7-time UAAP Cheerdance champions UP Pep Squad will represent PHL in the 6th World Cheerleading Championships Nov 26 and 27 in Hong Kong

Magaling, UP Pep Squad! Hindi lang para sa UP kung hindi para na rin sa ikararangal ng bansa! Galingan ninyo!

Students Hate Change

Students hate change. Sa UP, hindi lang pagbabago sa Budget Allocation ang ayaw nila. Agit ang lahat palagi. Kahit sa Facebook.

Nag-open na for public ang Google+ (G+). Kaya hindi nagpahuli ang Facebook at gumawa ng interface na muntik lang maging kamukha ng G+. Logic lang 'yan kasi, Facebook. Kung hindi nga lumipat ang mga tao sa G+ dahil nalilito pa sila nugn una sa G+, eh bakit mo naman gagayahin ang layout, di ba?

Students hate change. Eh ginaya pa ng Facebook ang G+. Edi ang daming nag-rant.

Change language to English (UK) kung gustong ibalik sa dating sistema ang Facebook.


Pero kung sa bagay, mahilig naman talaga mag-agit ang mga estudyante (kadalasan mga tag-UP). Konti na lang, tatawagin ko na ang Facebook sa mga sumusunod na pangalan:
a) Emotional Punching Bag
b) Online Anger Management Therapy Session; at
c) Online Talambuhay Sharing Room


Ay hindi pala agit ang lahat. 'Yung karamihan lang. Ayoko mag-generalize. Masama 'yun.

Thesis Draft Number One to Infinity

Hindi ko matandaan kung ilan talaga 'yung nagawa at ipinasa kong thesis draft as adviser ko habang ginagawa ko 'yung thesis ko. Sa sobrang dami yata, hindi ko na binilang. Hindi ko na rin binilang kung gaano kagastos ang thesis.

At dahil dyan, narito ang mga tips para sa mga gumagawa ng thesis ngayon:

1. Linawin sa sarili ang gustong gawing topic. Matapos nito ay linawin sa adviser kung ano bang takbo ng discussion ng inyong thesis. Para hindi paulit-ulit.

2. Tanungin sa adviser kung maaaring 1.5 ang spacing muna ng tekso ng thesis draft. Aminin mong hindi ka kasing yaman ng ibang thesis advisees niya. Kailangan mo pa nga minsang magtipid ng baon para lamang makapagpa-print. Hindi rin naman kayo ganoon kayaman.

3. Maaga pa lamang ay matuto nang mag-type ng mabilis sa computer. Nakatipid ka na sa pera, nakatipid ka pa sa oras.

4. Hindi masama ang magtanong sa kaibigan o sa dating prof kung ano ang iyong pwedeng gawin. Off rhe record, dapat. Para mas maimpress sayo ang adviser mo kapag nagpasa ka ng thesis proposal o ng thesis draft.

5. Magbasa ng maraming sources. Mahiya ka kung fourth year ka na at tamad ka pa rin magbasa. Mas mahiya kung taga-UP ka at tamad ka pa rin magbasa.

6. Alamin ang format ng APA o kung anu-man ang citation format ng inyong kolehiyo o departamento. Wag maasar kung iba ang ipinipilit ng iyong adviser ang ibang format pero sinasabing APA o kung anuman. May oras ka rin para i-prove sa iyong adviser na minsan ka ring tama. Maghintay.

7. Mag-proofread. Tignan ang spacing ng bawat paragraphs, S-V agreement, karampatang citation, levels ng bawat subhead, font size-style, atbp.

8. Tignan mabuti kung nagawa mo ang lahat ng gusto ng iyong adviser. Babala: may ilang pagkakataon na pakiramdam mo na hindi mo na 'yan thesis. Normal iyon. May mga adviser na feeling nila, researcher ka lang nila. Mag-ingat sa mga ganitong klase ng adviser.

9. Siguraduhing tama ang lahat na iyong binago. Walang nawawalang pahina, paragraph o salita. Maging adik sa pag-check ng thesis. gagastos ka ulit kung may mali - lalo na kung naka-bind na.

10. Wag kalimutang mag-saya sa pagitan ng paggawa ng thesis. Kung masyadong seryoso, baka masiraan ng bait.

Larawan sa Itaas ng Homepage

Proper citation para hindi tayo mapa-away.

Maraming salamat kay Pinoy Penman / Jose Dalisay, Jr. / Butch Dalisay sa kaniyang litrato na ginamit ko sa itaas. Sita rin ay nagtatrabaho para sa Philippine Star.

http://homepage.mac.com/jdalisay/blog/FJ3650.html <- ayan ang kaniyang mahusay na blog.

BAGUIO 357 RUN FOR A CAUSE by DeMolay Baguio and Job's Daughters International - Bethel 25

Pabilisin na lang natin ang usapan. Nasa baba ang mga detalye ng event na ito mula sa kanilang event page. RakEnRol!

SPONSORS:
Fusion Excel Baguio
Globalight Vision School
Davies Paint
Fabulo
Corinthians Convenience Store
LiquiPure
Thywillbedone Pre-owned Quality Cars
Zymed Medical Distributors

Proceeds will go to Charity Projects.

Registration:
LAPERAL BLDG: 2:00PM to 6:00PM
Pelizloy Building (Lower Session Road, Beside the new Goldilocks Store across Yellow Cab)
= 8:00AM-6:00PM, Mondays to Saturdays
Baguio Masonic Lodge (Beside Dona Josefa Elementary School, Behind Baguio City Hall)
= 2:00PM onwards, Sundays
REGISTRATION ENDS ON SEPTEMBER 23, 2011.

3KM Run is open for kids (13 years old and below)
5KM Run and 7KM Run (open for all) with Men and Women Division

Assembly Time: 5:00AM

Registration Fees:
3KM - PhP 100.00 (no shirt); PhP 150.00 (with shirt)
5KM - PhP 200.00
7KM - PhP 300.00

Registration Fee is INCLUSIVE of a CERTIFICATE OF PARTICIPATION and a COMMEMORATIVE SHIRT.

TOP 50 FINISHERS for each category will receive a FREE RUNNING SHIRT (Singlet).
TOP 10 RUNNERS for each category will receive a MEDAL.
SPECIAL AWARDS TO BE GIVEN AWAY.
RAFFLE PRIZES TO BE GIVEN AWAY. Raffle Tickets available at registration booth.
QUANTUM PENDANTS to be awarded for top runners.

Route:
3KM = Panagbenga Park -> South Drive -> Illustrado Drive -> Pacdal Rotonda -> back to Panagbenga Park Via same route
5KM = Panagbenga Park -> South Drive -> Outlook Drive -> Junction going to Lucnab -> back to Panagbenga Park Via Same Route
7KM = Panagbenga Park -> South Drive -> Outlook Drive -> Intersection Road going to Mines View, Mansion, Itogon -> Mansion -> Pacdal Rotonda -> Illustrado Road -> South Drive -> Panagbenga Park

Road Maps would be provided upon registration.

For more info, contact:
09277211301
09277039491
09193184239
09175080424
09209120890

Déjà vu 6 by Sigma Kappa Pi Fraternity and Sigma Delta Pi Sorority

SAAN: RED LION's Pub and Inn, Jungle Town Road, Baguio City, Philippines

ANG SABI SA EVENT PAGE NILA SA FACEBOOK: Déjà vu Acoustic Jam serves as a culminating event of a series of activities in commemoration of the Martial Law period and in the recognition of the youth’s part on the people’s struggle against the Marcos Dictatorship. The commemoration includes the fraternity and sorority-led educational discussions regarding the First Quarter Storm and the huge contribution of the youth in the struggle, the ΣΚΠ Freshmen Spelling Bee, and the mass-campaigns opposing the proposed 2012 budget allocation.

This year’s Déjà vu theme is “Ipagpatuloy ang Maningning na Kasaysayan ng Kabataan, Isulong ang Rebolusyon sa Edukasyon, Karapatan at Lipunan”.

Tickets @ Php70 (inclusive of one free drink)
For more details, approach any EKT or EDT member, or contact any of the following: 09154294282/ 09473730487

ANG TANONG: Mat ticket ka na ba?

LIGHTS OFF: Galactic Blackout! Exhibit by FA

Mabait naman ako - kaya kung minsan, magpo-post ako ng mga event sa UP Baguio nang mai-promote na rin sa ibang tao na wala sa Facebook - kung meron man.

Sa darating sa Septermber 22, 2011 (ay ngayon pala 'to!), at sabi na rin sa kanilang event page sa Facebook,

Intergalactic exhibition that further illustrates the vastness and infinite possibilities of the human imagination. Third year UP Baguio Fine Arts. Paintings with a twist. Yikee ano kaya yun~ :D Hahaha.

Naroon rin ang SET-UP at mayroon ring open mic so magdala na ng gitara.

Ay oo nga pala. sa Ayuyang Bar ito.

UPB - USC

Dahil aktibo pa rin ako sa Facebook at pati na rin sa mga nangyayari sa Unibersidad ng Pilipinas sa Baguio, ganoon na lamang ka-normal na magsasalita ako ukol sa mga nangyayari doon.

Isang mabagal na palakpak ang ibinigay ko nang hindi sumuporta ang University of the Philippines Baguio - University Student Council (UPB-USC) sa nakaraang walk-out para sa budget cut.

Isa ulit na palakpak ang ibinigay ko sa UPB-USC nang nagbigay sila ng isang Educational Forum na itinapat sa oras ng Walk-out. Pasalamat sila at hindi sila pinatulan ng grupong nag-organisa sa Walk-out.

Isang kilay ang dapat lang itaas nang inisaad nila kagabi lamang na "SINUSUPORTAHAN NG UNIVERSITY OF THE PHILIPPINES BAGUIO - UNIVERSITY STUDENT COUNCIL ANG PANAWAGAN PARA SA PAGTIGIL SA BUDGET CUTS SA EDUKASYON AT IBA PANG BATAYANG SERBISYO."

Halata namang ayaw nila ng isang walk-out - kaya CAMP FIRE na lang ang mangyayari mamayang 5:30pm sa Oblation Grounds. "at syempre MAGSUOT NG ITIM sa BIYERNES para ipakita ang pagtutol sa BUDGET CUTS!"

Pero ayaw natin ng hati-hati tayo. Moving on, pupunta rin naman ako.

Magaling UP PEP SQUAD!

Kahit sa TV lang ako nanuod, sobrang galing ninyo! Ramdam ko 'yung energy na lumalabas sa TV. Kahit 'yung sigaw ng mga tao, nadala ako. Kaso ang pangit ng coverage ng Studio 23. Hindi na sila tumino. Pero astig pa rin ang UP Pep Squad. Naguumapaw ang school spirit ko kahit hanggang ngayon. Ayos!

litrato ay mula sa :: http://theyellowadventures.blogspot.com/2011/09/unibersidad-ng-pilipinas.html

Dugo

Blood is thicker than water. Pero kung nasa tubig lang ang lebel ng relasyon ninyong lahat, anong gagawin mo? Kanino ka nga ba papanig, Isko?

Ako? Dun ako kung saan mas malakas ang alon. Naka-ayon ako sa Mainstream at Bandwagon eh.

5 bagay na pinagkaiba at pinagkapareho ng Lider-Estudyante (LE) sa Pulitiko ng Gobyerno (PG)

1 Ang LE, naipapaluklok sa puwesto ng matinong sistema ng pag-boto. Ang PG, gumagamit ng bala at pera, minsan nagpapainom pa.

2 Ang LE at PG, (hindi lahat) ay mababa ang tingin sa mga boboto sa kanila; kaya nauuso ang mga jingle, komedya at karnibal. Kung LE ka, malamang minsan ka ring nagmukhang tanga. Hindi mo nakuha ang boto ko, asa ka.

3 May handang maglingkod sa PG dahil iba ang impluwensiya ng pera. May handang maglingkod sa LE dahil iba ang impluwensiya ng org/frat/soro-mates.

4 Malaki ang perang nakukurakot ng PG. ang PG, hindi ganun kalaki – pero may pera pa rin (minsan).

5 Uso ang pagiging “turncoat” sa mga GP. Sa LE, kahit naka-luklok ka na sa puwesto, iba pa rin ang impluwensiya ng “pinanggalingan” mo.

UP Endangled

UP (Baguio) Endangled. Ano ‘yun? Parang org na may kinalaman sa Disney (reference to Tangled). Educate me. Mali ako malamang. Wala talaga akong ideya.